Sunday Screening: The Perks of Being a Wallflower (2012)

Ахххх, young love и предизвиците што ги носат тинејџерските години. Овој филм уште кога излезе некако го групирав заедно со The Dreamers и оригиналниот Dreamers - Bande à part. Сега, откако го изгледав, веројатно ќе го тргнам од класификацијата зашто средношколската љубов и универзитетската љубов се, како што може да се забележи од филмовите, комплетно различни приказни. Да, жанрот е тој: coming-of-age, но раскажува нешто комплетно различно.

Чарли е интровертен, срамежлив дечко кој штотуку влегува во неговите први средношколски денови. Без пријатели, без социјален круг. Единствен „пријател“ му е професoрот по Англиска литература. Пол Рад го глуми (пред да биде Ant-Man) и завршил одлична работа со ликот. Можеби еден од омилените ликови ми е заедно со Патрик.

Кога сме веќе кај Патрик, мора да спомнам дека Езра Милер го украде шоуто комплетно. Буквално најзабавен лик во целиот филм беше тој. Не ми се допаѓаше нешто премногу како Flash во Justice League, ама тука улогата супер му легнала.

Како и да е, рековме Чарли е фрешмен во средно и нема другари и почнува да се дружи со Патрик и Сем, кои што се сениори и ова им е последна година во средно. Сем е женско, бајдвеј, улога на Ема Вотсон (нашата Хермиона).

Ема во улогава - онака. Ништо посебно не беше ликот. Можеби некои алт девојчиња ќе се пронајдат во ликот, мене ми беше премногу стереотипен постер алт грл од амерички филм, у која што ќе се вљуби главниот лик и никој не може да објасни што толку па баш во неа ќе се затреска. Додуша, можеби и сум малку пристрасна околу ова прашање. Мене Ема Вотсон ми нема карактер генерално никаде кај што сум ја гледала, освен во Хари Потер, каде што стварно ја износе Хермиона како што треба. Во другиве улоги ми е така, недоволно впечатлива за да ми се допадне ликот.

Да не спојлам, ама малку чудни работи се случуваат во филмов, од типот на изгубен у свемир фрешмен е љубовен интерес на девојка што месеци ја делат од факултет. Ајде, нема врска, и почудни работи сме виделе на филмови.

Битно, филмов е супер за луѓе што уживаат во COA филмови. Јас лично не сум голем фан, ама филмов ми се допадна. Знам дека не кажав нешто многу позитивни работи, ама се на се, тоа што многу ми се свиѓаше беше топлиот вајб што го имаше.

Буквално се осеќаш како ти да си таму со оваа група на несфатени млади луѓе што се уште се пронаоѓаат во животот и го бараат своето место во светот. И доколку си или сакаш да си дел од таков колектив, овој филм ќе ти биде вистинско уживање, бидејќи ќе те поканат и ќе те примат како да сте биле цел живот пријатели.

Топла препорака за топол филм.